Heriotza. Ante la muerte. Erakusketa

Ez da erraza heriotzari buruz hitz egitea. Baina bai jakin nahi dugu heriotza nola irudikatu izan dugun eta zer errituz inguratu dugun. Ulertu nahi dugu zergatik hurbiltzen garen batzuetan beldurrez eta larritasunez, baina beste batzuetan festaren eta fantasiaren bitartez. Tradizio erlijiosoek heriotzaz haratago joateko zer proposamen egin dizkiguten jakin nahi dugu, baita zientziak heriotza nola borrokatzen duen eta nola gainditu nahi duen ere. Hausnarketa sustatu nahi dugu, hainbat hurbilketaren zentzua ulertu, geure ikuspegia bera aberasteko. Horretarako, ezinbestekoa da heriotzari buruz hitz egitea.